Një ngjarje e rëndë ndodhi mbrëmjen e djeshme (9 dhjetor) në Prush të Tiranës, ku një banesë ku ishin dy të moshuar u tentua që të grabitje.
Gazetari i News24, Igli Çelmeta thotë se 5 persona, të veshur me uniformë policie zbarkuan në shtëpinë e dy të moshuarve, ndërsa u prezantuan si policë.
Kjo e fundit mbërriti në vendngjarje, ndërsa u përplas dhe me tre prej autorëve, që u larguan me një mjet tip ‘Audi’, ndërkohë që dy të tjerë u larguan në këmbë nga kodra e fshatit.
Sipas të dhënave, duke iu referuar hetimeve ka dyshime se një prej autorëve mund të jetë dhe banor i zonës, pasi e kanë njohur mjaft mirë terrenin. Sakaq, makina e grabitëseve, të cilët nuk dihet nëse kanë arritur të marrin diçka nga banesa, është larguar drejt Kombinatit dhe më pas drejt Liqenit të Thatë.
Fatmirësisht banesa që ra pre e tentativës së grabitjes, ishte e pajisur me kamera sigurie, të cilët i janë dorëzuar policisë. Kjo e fundit po punon për identifikimin dhe arrestimin e autorëve të përfshirë në ngjarjen e rëndë.
